Një shpërthim ka ndodhur gjatë natës në banesën e një polici në Fushë-Prezë. Policia është njoftuar për shpërthimin rreth orës 02:25 të mëngjesit në numrin e emergjencave 112.
Pasi policia ka shkuar në vendin e ngjarjes ka konstatuar se në katin e dytë të banesës së shtetasit A.K. me detyrë punonjës policie në Rinas, ishte vendosur një sasi e vogël lëndë eksplozive. Fatmirësisht nuk ka patur persona të lënduar por vetëm dëme materiale.
NJOFTIMI I POLICISË
Më datë 25.11.2016, rreth orës 02:25, ka ardhur një telefonatë tek numri i emergjencave 112, në Fushë-Prezë, është dëgjuar një shpërthim.
Menjëherë janë dërguar Shërbimet e Policisë, të cilët kanë konstatuar se në katin e dytë të banesës së shtetasit A. K., me detyrë Punonjës Policie në Rinas, dyshohet se i kanë vendosur një sasi të vogël lëndë eksplozive.
Nga shpërthimi i kësaj lënde të dyshuar eksplozive, ka patur vetëm dëme të lehta materiale. Grupi hetimor, në vendin e ngjarjes, po punon për identifikimin e autorëve të mundshëm të kësaj vepre.
