Në vendimet e sotme të qeverisë, ajo që ra në sy ishte ai i fundit për miratimin e rregullores “Për transportin e sigurtë të materialeve radioaktive”.
Propozimi që vjen nga Ministria e Shëndetësisë ka të bëjë me transportim më të sigurtë dhe sipas një rregullore të përcaktuar.
Ndërkohë për ndryshimet e reja ngarkohen Ministria e Shëndetësisë, Ministria e Transportit dhe Infrastrukturës, Ministria e Punëve të Brendshme, Komisioni i Mbrojtjes nga Rrezatimet dhe Drejtoria e Përgjithshme e Doganave për sigurinë e transportit të “lëndëve radioaktive”.
Ky vendim i qeverisë ngre dyshime të mëdha nëse në Shqipëri kanë hyrë lëndë radioaktive. Kujtojmë se më herët, në fund të 2013, kryeministri Edi Rama tentoi të fuste lëndë kimike nga Siria në Shqipëri por falë një proteste popullore kjo gjë nuk u arrit.
