Siç kishte investiguar edhe emisioni “Publicus”, vdekja e 17-vjeçarit Ardit Gjoklaj, nuk ishte e para në landfillin e Sharrës.
Edhe pse u tentua që ngjarja të mos kishte mbulim mediatik, gazetarët e “Publicus” bënë publik faktin se rreth një vit më parë se adoleshenti të humbte jetën, një grua kishte mbetur e vdekur nga fadroma që lëvizte mes plehrave.
Myrvete Duka ndërroi jetë në datën 25 nëntor të vitit të kaluar. Për këtë ngjarje u arrestua Kasem Koçi, fadromisti që punonte natën në landfill.
Prokuroria e Tiranës ka kërkuar dënimin me 7 vjet burg për Kasem Koçi, 64 vjeç, duke e akuzuar për shkelje të sigurisë teknike.
Kërkesa është bërë në seancën e sotme, ku prokuroria e akuzon atë për “shkelje te rregullave te sigurisë dhe mbrojtjes në punë”.
Ai ka pranuar gjykim të shkurtuar dhe për këtë përfiton uljen e një të tretës së gjykimit.
