Nga Boldnews.al
Edhe pse nxorri një promo ku emisioni Top Story do të vinte me shpatulla pas murit Kryetarin e Bashkisë së Tiranës, në fakt ndodhi e kundërta. Ashtu siç pritej, një nga mediat më të rëndësishme në vend u kthye në shërbim absolut të Erion Veliajt.
Analistët ishin përzgjedhur si me porosi për të mos sulmuar për asnjë moment Kryetarin e Bashkisë së Tiranës. Njëri prej tyre madje, kishte bërë edhe një sondazh ku e ngrinte Veliajn në piedestal dhe pa asnjë kritikë ndaj tij. I vetmi që devijoi pak nga linja editoriale e paracaktuar ishte analisti Arjan Vasjari i cili i kërkoi llogari Veliajt për kontratën që kishte Bashkia e Tiranës me kompaninë “3R” që menaxhonte landfillin e Sharrës dhe ku mbeti i vrarë 17-vjeçari Ardit Gjoklaj. Por edhe Vasjarit i dhanë sinjal që të mos fliste më tepër se ç’duhej dhe menjëherë biseda për këtë çështje u ndërpre.
Si rallëherë, drejtuesit të emisionit Top Story, Sokol Balla i shteruan pyetjet për landfillin e Sharrës, vdekjen e Arditit dhe mbylljen e 2 emisioneve. Balla nuk lexoi as mesazhet që i vinin në emision, nuk përmendi as kolegët e censuruar, por nga ana tjetër u mundua të devijonte me shpejtësi debatin për skandalin e Sharrës.
Në dy pjesët e tjera të emisionit, Veliaj doli në atë që di të bëj më mirë, propogandën. Si një njeri i fjalës por jo i punës, Veliaj shpalosi projektet e tij për Tiranën, për UKT dhe për kullat që do të ndërtohen. Me këtë hapësirë që i krijoi Veliajt, Top Story tentoi të sfumojë intersin publik që kishte tek ngjarja e landfillit të Sharrës, vdekja e Arditit dhe përgjegjësia e Bashkisë së Tiranës.
Por Top Channel bashkë me Top Story kanë interesa të përbashkëta me kryebashkiakun Veliaj. Ato janë kioskat e Tiranës, që përflitet se janë marrë nga Vjollca Hoxha. Por përveç kioskave, gjithashtu përflitet se pronarja e Top Channel pritet të marrë edhe disa segmente rrugore për parkimin me pagesë në Tiranë.
Kjo është propoganda e Veliajt e servirur më së miri nga një televizion kombëtar si Top Channel. Kjo është media “e lirë” dhe “e pakapur”, ku askush nuk guxoi t’i bënte pyetje të vërteta Veliajt, askush nga shqiptarët nuk u sqarua sot se cila është përgjegjësia e Bashkisë së Tiranës për vrasjen e Arditit…
