Një ditë pas ngjarjes së rëndë në maternitetin “Koço Gliozheni” ku një nënë 35-vjeçare në muajin e nëntë të shtatzënisë dhe foshnja e saj humbën jetë për shkak të disa komplikacioneve, ministri i Shëndetësisë, Ilir Beqaj, më në fund është kujtuar të reagojë.
Por në vend të një autokritike për sistemin skandaloz shëndetësor, Beqaj është mjaftuar me një përgjigje të thatë.
“I kemi sqaruar të gjitha rrethanat e ngjarjes tragjike. Nëna ka marrë shërbimin e nevojshëm nga personeli. Nuk ka pse të hidhet baltë mbi punën e mjekëve. Ambulancat tona kanë të gjitha oksigjen”, tha Beqaj.
Por ai është treguar edhe arrogant duke mos u përgjigjur pyetjeve të gazetarëve pse urgjenca ishte mbyllur për 20 minuta, ashtu siç konfirmuan edhe familjarët e të ndjerës.
Ishin këta të fundit që denoncuar mungesën e ndihmës së shpejtë dhe neglizhencën e mjekëve për t’i dhënë ndihmën mjekësore në kohën 35-vjeçares Aida Cakaj.
