Një tragjedi ka ndodhur mëngjesin e sotëm në maternitetin “Koço Gliozheni” në Tiranë ku një nënë 35-vjeçare, nënë edhe e 2 fëmijëve të tjerë ka humbur jetën gjatë lindjes bashkë me foshnjën. Viktima është shtetasja Aida Çajka, 35 vjeçe nga Paskuqani. Sipas informacioneve të para, gruaja kishte shkuar mbrëmjen e djeshme rreth orës 21:00 me dhimbje, por sipas familjarëve ajo është sorollatur dhe nuk i është dhënë ndihma nga mjekët.
Familjarët e viktimës, akuzojnë mjekët për vdekjen e saj dhe thonë se i kanë sorollatur gjithë natën sa në QSUT e Sanatorium për ekzaminime të zemrës dhe mushkërive.
Në 5 të mëngjesit gruaja është çuar sërish në maternitet por ka qenë e kotë, pasi parametrat e saj jetësorë kanë qenë tepër të ulët. Fillimisht doktorët kanë njoftuar
Trupi i 35-vjeçares tashmë është në dorë të mjeko-ligjorëve ku do t’i nënshtrohet ekspertizës për të zbuluar shkakun e vdekjes. Për ngjarjen është njoftuar edhe prokuroria. Edhe 2 oficerë janë në maternitet ku po kryejnë verifikime për mjekim të pakujdesshëm. Sipas informacioneve paraprake po verifikohet stafi që duhet të ishte në shërbim si edhe libri i mjekimit që i është bërë pacientes.
