Mbi 57 mijë dibranë me të drejtë vote u thirrën të marrin pjesë në zgjedhjet e pjesshme ne Dibër për të zgjedhur të parin e qytetit të tyre mes dy kandidatëve, Muharrem Rama i ASHE, dhe Sherefedin Shehu i Aleancës për Punë dhe Dinjitet. Procesi filloi në orën 07:00 dhe u mbyll në orën 19:00.
Ndërkohë kafilluar transportimi i kutive të votimit, ndërsa KQZ tha se pjesëmarrja ishte 53%.
Kandidati i majtë, Rama votoi gjata paradites, ndërsa rivali i tij Sherefedin Shehu, nuk do mundi të votojë për shkak të mosregjistrimit brenda afateve.
Pas përfundimit të procesit të votimit në Dibër, deputetja e PS, Blerina Gjylameti në një deklaratë për mediat tha se procesi i votimit ishte sipas standardeve. Ajo tha se organet ligjzbatuese të kujdesen për transportin e kutive, ndërsa tha se forcat politike të pranojnë rezlutatin.
Akuza PS-PD për blerje votash
Ndërkohë, PD dhe PS në rrugë zyrtare kanë denoncuar raste të ndërsjella te blerjes së votës permes ndarjes se ushqimeve dhe parave.
Sipas PD, banoret në fshatin Lishan i Epërm, kanë konstatuar një furgon qe shpërndante miell. PD e cila përdori shpesh fjalën arrest qytetar, tha se përkrahës te saj kishin ndaluar furgonin permes këtij veprimi dhe se kishin sekuestruar sasin e miellit.
Ndërkohë, sipas PS, në disa qendra votimi, komisionerët e Partisë Demokratike kanë shkelur Kodin Zgjedhor duke ekspozuar në ambientet e brendshme material propagandistik partiak me siglën e kësaj force politike.
PD në një tjetër denoncim, tha se shefi i krimeve të rënda në Drejtorinë e Policisë Dibër Admir Trupja, po shpërndan lekë në këmbim të votave me një automjet 6 vendesh dhe se ai njihet për lidhje me trafikun e drogës dhe i kërkoi prokurorisë arrestimin ne flagrancë të tij.
Nga të dhënat zyrtare të Komisionit Qëndror të Zgjedhjeve në bashkinë e Dibrës janë 15 Njësi Administrative, dhe administrimi i procesit zgjedhor do të kryhet në KZAZ numër 19, në të cilën shorti ka caktuar opozitën me katër anëtarë dhe maxhorancën me 3 anëtarë.
Dy selite e partive kanë shkarkuar sot ne Dibër gjithë resurset e tyre njerëzore dhe përtej fituesit gjithçka po komentohet si test për zgjedhjet e ardhshme politike.
