Kryeminitri Edi Rama ashtu siç lajmëroi disa ditë më parë po zhvillon një konferencë live në rrjetin social Facebook dhe Twitter duke ju përgjigjur qytetarëve lidhur me problemet që i janë drejtuar.
Konferenca në livestream po ndodh nga kompjuteri personal në zyrën e tij në Kryeministri. Rama e hapi konferencën lidhur me disa tema përsa i përket reformës në drejtësi duke mos lënë pas problemet e korrupsionit si dhe ekonominë.
Kjo bisedë me qytetarët vjen pak orë para nisjes së seancës plenare për votimin e ligjit të vetingut, ku kryeministri Edi Rama shprehet i vendosur për votimin e tij edhe pa konsensusin e PD-së. Në konferencën live, në përgjigje të pyetjeve të qytetarëve, Rama theksoi se shumica qeverisëse i ka votat e nevojshme për të kaluar ligjin në fjalë. “Kemi seancën e Kuvendit për ligjin e vetingut që bashkë me 6 të tjera, i hap rrugën zbatimit të reformës në drejtësi. Nuk e kemi konsensusin e PD¬së dhe unë dua të shpresoj deri në fund se PD do reflektojë e ta fshehë se nuk e do reformën, por me, apo pa konsensuin do shkojmë përpara, ligjet do kalojnë me 84 apo më shumë, të shikojmë, votat e shumicës qeverisëse”¬ tha Rama. Kryeministri Rama po i përgjigjet sot pyetjeve të qytetarëve që i janë drejtuar në Facebook lidhur me reformën në Drejtësi.
Si mund ta ndjekim konferencën live në Facebook e Twitter
Çdo qytetar që ka dërguar shqetësimin e tij në rrjetin social Facebook dhe Tëitter do të marrë përgjigje nga kryeministri Edi Rama
Secili qytetar mund ta ndjekë kryeministrin në rrjetin e tij social Facebook dhe Tëitter nëpërmjet livestream në faqen e tij: https://www.facebook.com/edirama.al/?fref=ts
