Tërmet i fuqishëm në Itali, viktima e shkatërrime. Zhduket një qytezë (FOTO +VIDEO)

Viktima, të plagosur e shkatërrime la pas një tërmet me manjitudë 6 në shkallën Rihter i cili goditi gjatē natës Italinë qëndrore.

Mediat italiane raportojnë se janë shënuar së paku 13 viktima, mes tyre fëmijë, ndërkohë që shumë të tjerë janë të zënë nga rrënojat. Tërmeti i parë dhe më i fortë ka qenë ai me magnitudë 6,2 dhe thellësi 4 km, i cili ka goditur rreth orës 03:36 në zonën e Accumoli. Qyteza Amatrice në provincën e Rietit është shkatërruar tërësisht. “Qyteti nuk është më”, tha kryetari i bashkisë. Të paktën 6 janë viktimat dhe dhjetëra të plagosurit.

Mediat, referuar autoriteteve raportojnë se pas tij ka pasur disa lëkundje të tjera, por tërmeti i dytë i fortë me magnitudë 5,4, ka rënë rreth orës 04:33 me epiqendër pranë Peruxhias dhe me thellësi 8,7 km. Viktimat e para u konfirmuan nga shembja e banesës së tyre në Pescara të Trontos, një zonë në Arquata. Konfirmimi vjen edhe nga karabinierët, të cilët theksojnë se viktimat janë një çift të moshuarish, të cilët i kanë zënë rrënojat e banesës.