Një 65-vjeçar ka vrarë një 29-vjeçare e cila dyshohet se ka qenë e dashura e tij dhe më disa orë më pas i ka dhënë fund edhe jetës së tij, duke lënë pas edhe një letër ku tregonte edhe shkaqet e këtij vendimi.
65-vjeçari Sokrat Shani u gjet i vetëvrarë sot në mëngjes me një pistoletë “TT” në banesën e tij në fshatin Krutje e siperme Lushnje.
Pas njoftimit për ngjarjen policia e Lushnjes ka shkuar në vendngjarje ku gjetën edhe një letër ku shkruhej një adresë dhe një emër në Golem të Kavajës.
Për këtë u bashkëpunua me Komisariatin e Policisë Kavajë dhe gjatë kontrollit të kësaj banese, në njërën nga dhomat e saj u gjend e vdekur dhe me shenja dhune 29 vjeçarja Jonida Çanaku, banuese në fshatin Kryekuq Divjake.
Sipas deklarimit të familjareve të saj ajo kishte dy ditë e larguar nga banesa dhe u ka thënë se do shkonte te tezja.
Burime nga policia për BoldNews.al nga kqyrja e te dyja vendngjarjeve dhe te gjitha provat e mbledhura paraprakisht, rezulton se Sokrat Shani është autor i vrasjes së 29-vjeçares, me të cilën shoqërohej kohët e fundit, dhe me pas i penduar për krimin e bëri i ka dhënë fund jetës së tij pasi është kthyer në banesë.
