Vrasja e 17- vjeçarit Ardit Gjoklaj në vendgrumbullimin e plehrave në Sharë ditën e dielë është një histori e pastër mafioze pas të cilës qëndron mafia e plehrave. Nuk është një vrasje aksidentale. Ajo është pjesë e një gjuetie që ka nisur prej kohësh nga Bashkia dhe Kryetari i saj, Veliaj ndaj njerëzve të pamundur që mbledhin mbetje të riciklueshme në kazanët e plehrave apo në vendgrumbullimin e Sharrës.
Edhe pse kane kaluar 3 dite nga ngjarja tragjike, Kryetari i Bashkisë së Tiranës thote se është i lumtur.
Kryetari i Bashkisë së Tiranës, Erion Veliaj, i ka dorëzuar sot Çelësin e Qytetit këngëtares së njohur me origjinë shqiptare, Dua Lipa.
“Tani Prishtina dhe Tirana janë një, kështu që nuk je veç gocë e Prishtinës dhe e Kosovës, je edhe e Shqipërisë dhe e Tiranës. Unë jam shumë i lumtur për ty dhe në emër të gjithë qytetarëve të Tiranës dua që ta ruash Çelësin dhe të kthehesh sërish këtu, teksa shkëlqen e bëhesh më e famshme, duke frymëzuar shumë njerëz”, tha Veliaj.
Pas kësaj mafie qëndrojnë interesa finaciare biznesi që arrijnë deri në 30 milionë euro në vit. Policia ngatërroi dje me qëllim emrin e kompanisë që administron mbetjet e riciklueshme në landfillin e Sharrës. Policia tha se emri i kësaj firme ishte “3K”, kur në të vërtetë emri i saj është “3R”.
Policia po ashtu fshehu jo pa qëllim edhe emrin e administratorit të kësaj firme duke dhënë vetëm inicialet e tij, E.T. Arsyeja e fshehjes të personit të shpallur në kërkim ka të bëjë me faktin se administratori i kësaj kompanie, Edurim Teqja është në të njëjtën kohë edhe drejtuesi i PS në Peqin.
Veliaj është njeriu që ka inicuar këtë aferë të pastër korruptive në të cilën janë mpleksur drejtues të PS si dhe botuesi i afërt i Ramës, Car.Bol. Në janar 2016, kryebashkiaku Erion Veliaj nënshkroi një marrëveshje me kompaninë publike të Bashkisë së Veronës të quajtur “AGSM”, për menaxhimin e mbetjeve në qytetin e Tiranës.
Më pas Bashkia Tiranë dhe “Holding AGSM Albania” Sh.a krijuan një kompani aksionere të përbashkët të quajtur “Eco Tirana” Sh.a. Pikërisht kjo kompani e re, ku shteti zotëron 51% të aksioneve, do të marrë nën menaxhim shërbimin e pastrimit të mbetjeve urbane në Tiranë.
Në funksion të këtij biznesi ku Veliaj është aksioner me 51% të aksioneve, ku botuesi i Ramës Car.Bol, është sekseri i marrëveshjes dhe ku drejtuesi lokal i PS ka mjetet e riciklimit, ka ndodhur edhe vrasja e dy ditëve më parë në vendgrumbullimin e mbetjeve në Sharë.
Ata e ekzekutuan të riun 17- vjeçar, Ardit Gjoklaj për ta bërë shembull; se askush nga ky komunitet i njerëzve të varfër që mbledhin mbetje në kazanët e plehrave nuk duhet ti afrohen biznesit të tyre. Dhe nëse i afrohesh, atëhere ata të vrasin, sikurse ndodhi në mëngjesin e të dielës. Pjesë e kësaj gjuetie kanë qenë shumë banorë rom.
Ata janë përzënë me dhunë nga vendgrumbullimi i mbetjeve në Sharë. Të tjerë janë burgosur dhe dhunuar gjatë këtyre 6 muajve të fundit nga policia bashkiake duke arritur kulmin tek vrasje e tre ditëve më parë që është forma më kriminale që Veliaj po ushtron për të mos lejuar askënd ti afrohet biznesit të tij 30 milionë eurosh në vit.
