Janë 11 persona të cilët kanë humbur jetën vetëm në 5 ditët e fundit nga disa aksidentet nga veriu në jug të Shqipërisë dhe deri më tani nuk ka asnjë reagim zyrtar nga ana e ministrit të Brendshëm Saimir Tahiri, as për të kërkuar më tepër angazhim nga forcat policore për të parandaluar aksidentet.
E ndërsa rrugët e vendit janë përgjakur nga jetë njerëzish, ministri Tahiri ka reaguar më në fund përmes rrjetit social Facebook për situatën në rrugë, por fatkeqësisht jo për jetët e humbura të njerëzve, por për mbrojtjen e të drejtave të kafshëve.
“Zvarriti qenin me makine, kapet nga policia. (ne pamundesi per ti kthyer pergjigje kujtdo qe me ka shkruar sms&email). Per mbrojtjen e kafsheve, vec ligjit, duhet kulture.Duhet te jesh qytetar i mire per t’u kujdesur per kafshet.”, shkruan Tahiri në Facebook duke publikuar edhe videon e arrestimit të Kujtim Bajramit.
Edhe pse kemi të bëjmë me një akt më tepër se sa mizor, sërish është e paimagjinueshme se si ministri i Brendshëm u përgjigjet sms-ve “te pafundme” për jetën e qenit dhe nuk jep asnjë përgjigje lidhur me situatën kritike në rrugët e Shqipërisë duke pritur që të harrohen.
Sa do mizor që është akti i kryer nga personi i arrestuar nga policia, besojmë se jetët e njerëzve për ministrin e Brendshëm duhen të kenë më tepër vlerë se sa jeta e një e një kafshe.
“Bravo Çuna”
