Duket se takimi i djeshëm mes Bashës dhe Metës po jep frytet e veta, kreu i PD, Basha gjatë një bashkëbisedim me gazetarët për ngjarjet e fundit politike, ka lënë të hapur mundësinë për një bashkëpunim me Ilir Metën në të ardhmen.
Gjatë fjalës së tij theksoi se beteja e radhës e opozitës janë zgjedhjet e ardhshme elektorale, për të cilat sipas tij Rama është i interesuar që t’i manipulojë për shkak të keqqeverisjes.
http://boldnews.al/2016/08/02/basha-nuk-ka-pushime-per-opoziten-ne-gusht-situata-ne-vend-dramatike/
“Nuk mund të shkojnë t’i kërkojnë votën asnjë qytetari, ndaj po bëjnë gati edhe vjedhjen e zgjedhjeve të ardhshme”, deklaroi Basha duke shtuar se vetëm një qeveri teknike do të garantonte zgjedhjet e lira për të miratuar edhe ndryshimet në Reformën Zgjedhore.
Më tej ai ka deklaruar se është themeluar edhe aleanca për këtë qeveri teknike, duke shtuar se aktualisht kjo është aleanca më e madhe në vend, duke lënë të hapur mundësinë për bashkëpunim me LSI.
I pyetur rreth këtij opsioni Basha vlerësoi gjatë fjalës së tij se me Metën mund të gjendet bashkëpunimi.
Lidhur me Reformën në Drejtësi, kryeopozitari shprehet se politika duhet të mbartë shpresë për një të nesërme më të mirë. “Ne jemi mbartësit e shpresës së re dhe në gusht opozita nuk do të ketë pushim” shprehet ai. Drafti kushtetues që u miratua në 22 korrik ishte për një drejtësi europiane dhe të pa kapur, zbatimi i normave kushtetuese është tani sfida e re. Angazhim ynë është për një drejtësi europiane”.
