Nga Boldnews.al
Që prej krijimit të qeverisjes vendore në vendin tonë, asnjëherë nuk është parë që një Kryetar Bashkie të festojë 1-vjetorin e punës së tij. Por ja që Erjon Veliaj suprizon me propogandën që ofron nëpërmjet fasadave mediatike duke krijuar kështu një ceremoni të posaçme me taksat e qytetarëve shqiptar.
Të pranishëm në ceremoni ishin e gjithë administrata e Veliajt, nga policët bashkiakë e deri tek pastrueset. Gjatë fjalimeve, u panë disa drejtues teksa flisnin me superlativa për Veliajn, dikush thoshte “uau 1 vit bashkë” a thuaj se çfarë kishte ndodhur vallë, ndërsa nuk munguan edhe falenderimet të forta për Veliajn nga Ndërmarrja e Shërbimeve Funerale.
Por për të transmetuar të gjithë këtë ceremoni groteske, në shërbim është vendosur edhe Carlo Bollino, italiani i shqiptarizuar që zotëron Report TV. Ai ka transmetuar live çdo fjalim të punonjësve të Bashkisë së Tiranës ndërsa e bombardoi me titra sikur po ndodhte ndonjë ngjarje e pazakontë.
Një nga folësit ishte Drejtori i Policisë Bashkiake Ermal Kapllani (në foto). Për ironi, ky drejtues mburret për punën e Policisë Bashkiake edhe pse “viktima” të aksioneve të tij kanë qënë gjithmon më të varfërit ose të moshuarit që tregtonin pak perime anës rrugës. Kapllani shprehet se punonjësit e tij janë dhunuar por në fakt me dhjetra video që qarkullojnë në internet tregojnë të kundërtën ku qytetarët janë rrahur dhe shkelmuar nga policët bashkiak.
Boldnews.al ka raportuar më herët se Bollino dhe Veliaj kanë mpleksje intersash të forta mes njëri-tjetrin. Importi i plehrave në Shqipëri është një nga bizneset ku Bollino po lobon fuqishëm nën bekimin e kryebashkiakut Veliaj si dhe të kryeministrit Edi Rama.
Bollino është kumbari i një marrëveshjeje koncesionare të pak javëve më parë mes Bashkisë së Veronës dhe asaj të Tiranës.
Pyetja që lind natyrshëm nga çdo qytetar është sesa ka paguar Bashkia e Tiranës për aktivitetin madhështor që u transmetua live nga televizioni i Bollinos.
Përgjigjen për këtë duhet ta japë Bashkia!
