Policia e Durrësit ka vendosur 30 mijë Euro shpërblim për këdo që jep informacioneve të vlefshme rreth vendndodhjes së autorëve të grabitjes spektakolare dy ditë më parë në aeroportin ‘Nënë Tereza’.
Uniformat blu deri tani nuk kanë asnjë pistë rreth vendndodhjes së autorëve, edhe pse ditën që ndodhi grabitja pati postblloqe të shumta dhe patrullime nga ajri. Policia e Durrësit njofton se kushdo që jep informacione do të ruhet anonimati.
Dy ditë më parë, tre persona të maskuar dhe të armatosur hynë me makinë në pistën e aeroportit ‘Nënë Tereza’ dhe grabitën miliona Euro gjatë kohës që po transportoheshin në avion për t’u transferuar në një shtet tjetër.
Lidhur me këtë ngjarje, policia ka ndaluar punonjësit e kompanisë private të sigurimit.
Njoftimi i Policisë së Durrësit:
Në lidhje me ngjarjen e ndodhur në aeroportin “Nënë Tereza”, më datë 30.06.2016, Drejtoria Vendore e Policisë Durrës, vë në dispozicion shumën prej 30.000 Euro për çdo shtetas, i cili jep informacion të rëndësishëm që do të ndihmojë grupin hetimor në identifikimim dhe kapjen e autorëve, si dhe informacion të nevojshëm në lidhje me lëvizjet paraprake të mjetit me të cilën u krye vjedhja.
Ne ju garantojmë që çdo informacion do të vlerësohet maksimalisht nga grupi hetimor dhe do të ruhet anonimati i çdo qytetari që do të bashkëpunojë me Policinë.
Për çdo informacion jeni të lutur të telefononi në numrin 0694110217 ose të shkruani në adresën e-mail, policiadurrë[email protected] si edhe në faqen zyrtare në rrjetin social Facebook, Drejtoria e Policisë Qarku Durrës.
Duke ju falenderuar për bashkëpunimin ju sigurojmë se Drejtoria Vendore e Policisë Durrës, po shfrytëzon të gjitha kapacitetet e saj për zbulimin dhe vënien para përgjegjësisë penale të autorëve.
Lajmet e tjera për grabitjen ne Rinas
