Pas akuzave të bëra nga emisioni Stop, ditën e djeshme, ku një grua ka denoncuar rastin e dhunës barbare të ushtuar nga 4 burra me kërkesë të Drejtorit të Drejtorisë Arsimore Rajonale në Berat, Selman Hodaj, ka reaguar ky i fundit.
Me anë të një statusi në Facebook Hodaj ka ngritur dy denoncime në prokurori për emisionin dhe zonjën pasi pretendon se historia e treguar nga ajo është e sajuar. Ai shkruan se akuzat nga emisioni dhe zonja që denoncon janë të uleta dhe të pavërteta.
Ja statusi i Selam Hodaj:
Nuk eshte ne stilin tim , por me duhet tua sqaroj miqte e mi.
Dikush (nje grua) qenka ankuar ne emisionin “Stop” se kam futur njerez per ta dhunuar. Do ishte e turpshme nese do te ishte e vertete. Eshte nje sajese e cuditshme dhe nuk e kuptoj se si mundet qe nje televizion qe ka nje impakt ne publik te trasmentoje ne menyre te njeanshme cdo lloj perralle pa asnje fakt, pa asnje argument. Dhe si pa te keq perflasin dhe demtojne imazhin e individit duke u zgerdhire me pahir ne studio.
Une respektoj punen time te cilen e bej me pasion dhe sigurisht nuk lejoj askend te bej qyfyre pa kripe me emrin tim.
Sapo kam folur me avokatin per te bere dy denoncime ne prokurori per emisionin dhe zonjen qe ka sajuar gjithe historine per te cilen cuditem dhe tani duke pyetur veten si ka mundesi ?
