Bashkia e Tiranës ka bërë një tjetër tender për luksin e zyrtarëve që punojnë atje.
Nëpërmjet një tenderi, dokumentet e të cilit disponohen nga Boldnews.al, institucioni i drejtuar nga Veliaj, i akuzuar për shpenzime të tepruara dhe aspak të dobishme për Tiranën, ka akorduar 42 milionë lekë të vjetra për komoditetin e punonjësve.
Në dokumentet që zotëron Boldnews.al thuhet se Bashkia ka hapur procedurën për “pajisje të ndryshme për zyrat”. “Fondi limit është 4.195.000 dhe burimi i financimit janë të ardhurat e Bashkisë. Afati i dorëzimit të mallit është 20 ditë punë nga data e lidhjes së kontratës” thuhet në këto dokumente.
Më poshtë po botojmë se çfarë do të blerë bashkia Tiranë, që fillojnë nga karrige, poltrone, dollape dhe rafte.
Specifikime teknike
1. Karrige pune: Sasia: 100 copë. Karrige zyre statike, dopio support, tekstili kuq, gri, blu, e zezë. Këmbët e karriges të kenë në fund tapa plastike për evitimin e zhurmës dhe dëmtimeve të dyshemesë. Tekstili I karriges duhet të jetë cilësore e rehatshme me mbushje sfungjeri dhe struktura hekuri.
2. Karrige rrotulluese: Sasia: 50 copë, Përmasat: Ndenjësja 50 cm me 45 cm lartesi nga toka 50 cm dhe mbështetësja 50 cm me 45 cm lartesi nga toka 50 cm, mbështetësja duhet me material rrjetë: 45 cm me 50 cm dhe lartësi 114 dhe lartësi, ngjyra blu, gri e zezë. Karrigia duhet të jetë vendosur mbi konstrukt plastic shumë rrezistent që përfundon me bazament në formë ylli me rrota (+ rrota reserve për secilën). Krahët duhet të jenë me strukture plastike me gjerësi komode në vendosjen e krahut. Karrigia duhet të kryejë funksionet: ulje, ngritje dhe përkulje. Shih foto nr.2
3. Poltron për zyrë: Sasia: 50 copë, Përmasat: Ndenjësja 48 cm me 50 cm lartesi nga toka 48 cm dhe mbështetësja 45 cm me 57 cm lartesi ngatoka 92 cm, ngjyra e zezë, vishnje e bardhe dhe materiali (veshja) të jetë lëkurë ekologjike. Karrigia duhet të jetë vendosur mbi konstrukt metalik (inoksi) shumë rrezistent që përfundon me bazament në formë ylli me rrota që krijojnë lirshmëri në lëvizje (+ rrota reserve për secilën). Krahët duhet të jenë me structure metalike dhe të veshur me lëkurë me gjerësi komode në vendosjen e krahut. Ulësja dhe mbështetësja duhet të kenë qepje për një pamje më të këndshme të karriges. Poltroni duhet të kryejë funksionet: ulje, ngritje dhe përkulje.
(Boldnews)
