Mbrojtësi i djathë i Kombëtares shqiptare, Elseid Hysaj ka tërhequr vëmendjen jo vetëm të mediave ndërkombëtare por edhe të UEFA-s e cila i bën një skaner të plotë lojtarit të Napolit.
Elseid Hysaj është një talent 22-vjeçar i cili luan me Napolin dhe lakmohet nga shumë klube të mëdha europiane, shkruan UEFA në webin e saj zyrtar.
“Ai është një mbrojtës fantastik që mund të luajë në të majtë dhe në të djathtë. Ai është shumë dinamik dhe ka aftësi të mëdha teknike”, ka thënë trajneri i Shqipërisë, Gianni De Biasi, shkruan Syri.net.
Biografia
Elseid Hysaj ka lindur në Shkodër në afërsi të kufirit me Malin e Zi. Ai ka udhëtuar në Itali së bashku me mamanë dhe gjyshërit e tij duke punuar si murator. Në moshën 14-vjeçare Elseid ka bërë debutimin e tij të parë me lojtarët e moshës tek Empoli. Talenti i tij shihet qartë dhe në moshën 17-vjeçare ai luan si një lojtar profesionist në Serie B. Vitin e kaluar mbrojtësi shqiptar nënshkroi për skuadrën e Napolit ndërsa debutimin e tij me Shqipërinë e ka bërë në moshën 19-vjeçare.
Stili i lojës
Elseid Hysaj është një lojtar kyç dhe i pazëvendësueshëm si tek Napoli ashtu edhe tek Kombëtarja shqiptare. Ai ka një shpejtësi të admirueshme dhe ndihmon ekipin të dalë në sulm. Është një mbrojtës shumë inteligjent dhe mban një rritëm të lartë në lojë. Tifozët e cilësojnë si një lojtar shumë të pjekur pasi ka një kontroll të admirueshëm të topit.
Elseid Hysaj për veten:
“Unë marr gjithçka seriozisht. Pranoj të punoj shumë dhe studioj gabimet e mia. Dua që të jap më të mirën time.”
