Komisioni i posaçëm për Reformën në Drejtësi është mbledhur sot dhe ka votuar nen për nen draftin për reformën në drejtësi, pa opozitën, e cila u largua nga mbledhja.
Më herët deputeti demokrat Oerd Bylykbashi, ndërsa dilte nga mbledhja e komisionit të Reformës në Drejtësi deklaroi se drafti nuk ka asnjë mundësi të miratohet sot nen për nen dhe as në tërësi sepse do të ishte në shkelje të Kushtetutës.
Po ashtu, si vuri në dukje se opozita kërkon vetëm që të “të garantohet përparisimi i opozitës, e cila nuk kërkon asgjë më shumë dhe asgjë më pak se kaq. Mazhoranca e ka të thjeshtë të pranojë Venecian, – tha ai, – po dhe me sa duket e kanë të vështirë të pranojnë moskapjen politike.
Ky komision sot nuk ka asnjë mundësi të miratojë nen për nen dhe as në tërësi draftin, do të ishte në shkelje të Kushtetutës dhe të asaj që është në zhvillim e sipër. Negociatat politike nuk mund të zhvillohen me pistoletë në tryezë,” theksoi Bylykbashi.
