Dokumente, emaile, fotografi, urdhëra porositjeje, kontrata, blerje, transaksione, gjithcka ka dalë publikisht në media për këto paisje.
Nga dosja hetimore dhe ajo e Ministrisë së Brendshme për përgjimet, janë bërë publike të gjitha të dhënat e dy paisjeve të përgjimit, të administruara nga Ministria e Mbrojtjes, pas janarit 2011,
ku në protestën e opozitës u vranë 4 qytetarë.
Dy paisjet e përgjimit, që nga maji 2014, janë sekuestruar nga ana e Prokurorisë. Bëhet fjalë për Gi2 dhe Pi2, të blera nga Ministria e Mbrojtjes, me urdhër të ish-ministrit Arben Imami, dhe ekzekutuar nga
drejtori i SHIU, Ylli Zyla, raporton portali Skandal.al, i cili ka nxjerrë publikisht gjithë dosjen dhe emrat e atyre që ishin në procedura përgjimi.
Madje këto të dhëna e dokumente kanë dalë deri edhe në faktin që me ardhjen e qeverisjes së socialistëve, duhet të ndërroheshin hard-disqet, për të cilat sugjerohej të zhdukeshin (ato që kishin
përgjime) dhe të zëvendësoheshin me të reja. Hardisqet e reja, sugjerohej nga zyrtarët e ushtrisë, të mos hynin nga Tirana (Rinas), por “nga Podgorica ose Shkupi) për të mos pasur asnjë shenjë apo gjurmë të tyre.
Dy paisjet kanë hyrë në mënyrë të paligjshme dhe në doganë janë zhdoganuar për aplifikator. Janë përgjuar në Shqipëri rrjetet e kompanive celulare, janë vendosur në ministrinë e Mbrojtjes në një
makinë të identifikuar të SHIU, kanë përgjuar kudo dhe cdo gjë në perimetrin e përcaktuar. Pasi janë përdorur edhe 50 ditë në 2013 në Shqipëri, janë dërguar në Kosovë dhe nuk dihet se cilin kanë përgjuar
apo për cfarë qëllimi.
Skandal publikon dhe emrat e personave që janë marrë me përgjimet.
*Punonjësit*
Ylli Zyla kreu në organigramë. Kishte në funksion paisjet, adresa zyrtare ishte në Linzë, vendi ku vendoseshin paisjet.
Nga marsi 2011 në korrik 2012, zyra e SHIU drejtohej nga nënkolonel Përparim Gega, dhe në varësi kishte dy specialist, Aelind Logun dhe Gjergj Bodurin. Aksesi në zyrë ishte I kufizuar vetëm për Ylli Zylën,
zëvendësin e tij Sokol Pollozhanin, shefin e IT Flori Olldashi, shef Cyber Xhelal Shehu, si dhe dy specialist të trajnuar për këto paisje
Ma.Ao dhe Ri.Le.
Opozita denoncoi paisjen por nuk kishte fakte. Në atë kohë, gjithë celula e përgjimeve pati ngritje në detyrë. Në qershor 2012, paisjet e përgjimit u hoqën nga Shiu, dhe u vendosën në zyrën operacionale.
*Ku përfunduan njerëzit?*
Ylli Zyla, u tërhoq nga SHIU. Ai kurrë nuk u hetua për ndonjë përgjim por u emërua drejtor I Policisë Ushtarake.
Përparim Gega gradohet colonel dhe u dërgua me mision në Afganistan. Në 1 gusht ishte pjesë e personelit për paisjet dhe u vendos në Kosovë.
Arlind Logu, e shoqeroi në qendrën NIC në Kosovë.
Sokol Pollozhani, u emërua në 2013 në një drejtori të rëndësishme të SHIU, edhe pse duhet të kishte gradën colonel.
Xhelal Shehu, është një ndër dy anëtarët që u largua nga SHIU.
Shefi I IT, Flori Olldashi, është I dyti I larguar, jashtë Shqipërisë. Tani është në Kanada.
Ma.Ao njeriu kyc i kesaj veprimtarie kriminale, u dergua ne perberje te personelit qe u vendos ne Kosove me dy paisjet e pergjimit.
Ri.Le u ngrit ne detyre, la pozicionin e inspektorit dhe mori detyren e specialistit ne ate qe me pas u quajt si Agjencia e Inteligjences se Mbrojtjes.
