Një tjetër “kokë”e bandës së trafikut të drogës pas “Eskobarit të Ballkanit” Klement Balilit, është bizesmeni i kompanisë së ilaçeve “Chim Prod”, 50 vjeçari Dhimitër Poti. Ky i fundit është identifikuar si njeriu kryesor i drejtimit të grupit kriminal të trafikut të drogës në disa shtete të Bashkimit Europian, grup në të cilin sipas autoriteteve greke bënte pjesë dhe drejtori i Transportit në Sarandë, Klemend Balili ose “Keli”.
Dhimitër Poti është një biznesmen nga Saranda, ish-pronar i “Chim Prod”. Kjo kompani po hetohej për pastrim parash nga njësia Task-Forcë në prokurorinë e Tiranës, për lëvizjen e dyshimtë të mbi 800 mijë eurove.
Në nëntor të vitit të kaluar, 50-vjeçari Poti që aktualisht është shpallur në kërkim u hetua nga prokuroria lidhur me 5 transaksione të dyshimtë nga Greqia në llogaritë bankare të kompanisë “Chim Prod”. Këto transferta shkonin në vlerën e 826 mijë eurove, ndërkohë që një pjesë e kësaj shume u sekuestrua me urdhër të prokurorisë.
“Shqiptarja.com” zbulon se Dhimitër Poti me banim në Belgjikë njihet me pseudonimin “Ëalter”, dhe zotëron në këtë shtet një kompani me emrin “RDGL Group BVBA”. Kompania që ndodhet në rrugën “Brixtonlaan 1930 Zaventem (Bruksel) administrohet nga anëtarët e një familje si Xhevavir Poti dhe Dhimiter Poti, të cilët kanë deklaruar një xhiro vjetore prej 15 mijë euro.
