Çifti Eraldo Qatipi dhe Xhoana Hila dyshohen se kanë vrarë një 82 vjeçare në Shkodër. Kjo e fundit ishte gjyshja e Xhoanës.
Gjykimi i çështjes së tyre duket se ka marrë një kthesë nga deklaratat e dy të rinjve të cilët akuzohen se kanë vrarë 82 vjeçaren.
Të rinjtë kanë mohuar akuzat dhe në të njejtën kohë kanë kërkuar gjykim të shkurtuar. Seanca gjyqësore është shtyrë për në datën 10 maj për shkak të kompleksitetit të ngjarjes ku mbeti e vrarë 82 vjeçarja Angje Hila.
Përpara togave të zeza, dy të akuzuarit drejtojnë akuzat ndaj njëri- tjetrit për vrasjen e 82- vjeçarjes, duke mos pranuar se kane kryer vetë krimin. Por, organi i akuzës, ka kërkuar që të mos pranohet gjykimi i shkurtuar, duke qenë se të dy të rinjtë mohojnë krimin.
Duke kërkuar më shumë kohë për të analizuar kërkesën e palëve, gjykata e shtyu seancën gjyqësore, ndërsa familjaret e të ndjerës kanë ripërsëritur kërkesën për drejtësi.
“Jemi këtu për të vazhduar për të nxjerrë të drejtën e nënës time”, ka thënë Andrea Hila, djali viktimës.
Përpara trupit gjykues prokurori Xhevahir Hita, bëri publike provat filmike dhe tabulatet e celularëve që përshijnë në këtë krim çiftin e Eraldo Qatipi dhe Xhoana Hila. Sipas prokurorisë dy të rinjtë e kishin planifikuar vjedhjen e të moshuarës dhe më pas kanë kryer vrasjen e saj, ngjarje e ndodhur në shkurt të vitit të shkuar.
