Policia e Korçës ka vënë në pranga dy të rinj me një sasi droge, të cilët dyshohen se shpërndanin lëndë narkotike në shkollat e mesme në Korçë.
Emiljan Tepexhiku, 25 vjeç dhe J .G, 17 vjeç, të dy banues në Korçë u arrestuan ndërsa u bë shpallja në kërkim e shtetasit Sh.M, 26 vjeç, banues në Linzë Tiranë. “Në bazë të informacioneve të siguruara në rrugë operative, si edhe gjatë kontrollit të ushtruar në automjetin tip “SEAT” me targa AA 373 FO, me të cilin qarkullonin shtetasit Emiljan Tepexhiku dhe
J.G, u gjet dhe sekuestrua në cilësinë e provës materiale: 16 gram lëndë narkotike e dyshuar si Cannabis Sattiva” njofton policia.
Gjithashtu në vijim të veprimeve proceduriale, në lidhje me këtë rast, gjatë kontrollit të ushtruar në banesat e tyre dhe konkretisht tek banesa e J.G u gjet dhe sekuestrua gjithashtu, një sasi prej 204
gram lëndë narkotike e dyshuar si Cannabis Sattiva.
“Sasinë e lëndës narkotike, shtetasi J.G, dyshohet se ia ka blerë shtetasit SH.M, në një lokal në LinzëTiranë dhe se do ta shpërndanin në doza kundrejt pagesës, në afërsi të një shkolle të mesme në lagjen nr 2, të qytetit të Korçës” thuhet ne njoftim.
Në cilësinë e provës materiale, u bllokuan:
220 gram bimë e dyshuar si narkotike Cannabis Sattiva.
2 aparate celularë.
1 automjet tip “SEAT” me targa AA 373 FO.
