Kreu i grupit parlamentar Edi Paloka i ka dërguar një letër kryeministrit, Edi Rama, ku i kërkon që të bëhet transparencë në lidhje me projektin e stadiumit Qemal Stafa.
Në këtë letër ai i është drejtuar dhe Presidentit të Federatës Shqiptare të Futbollit Armando Duka. Nisur edhe nga mbledhja e fundit e KKT-së ku nuk u lejua shoqëria civile Paloka kërkon informacion dhe kopje të dokumentacionit të plotë zyrtar të projektit “Arena Kombëtare” duke përfshirë;
1-Projektin e miratuar nga KKT
2-Kontratën e partneritetit publik-privat
3-Kopje të procesverbalit të mbledhjes së shoqërisë anonime ku pasqyrohet qendrimi i mbajtur nga përfaqësuesit e shtetit
4-Procedurat e ndjekura për përzgjedhjen e firmës fituese
5-Dokumentacionin e plotë dhe procedurën e ndjekur nga KKT.
Në miratimin e këtij projekti Partia Demokratike e ka denoncuar këtë rast si aferë korruptive, si një projekt që ka prioritet klientelën, qendrën tregtare, hapësirat e biznesit, dhe jo sportin e qytetarët.
Sipas planit të Edi Ramës, hapësirat për sportdashësit zvogëlohen, ndërsa zgjerohen hapësirat fitimprurëse të klientit.
