Kryeministri, Edi Rama ka komentuar vendimin e Gjykatës së Lartë për dosjen e “21 janarit”. Edhe se shprehet i zhgënjyer, Rama ka zgjedhur vetëm një postim në facebook për të shprehur qëndrimin e tij.
“Xhmziu i pafajshem dje pas nje farse te neveritshme 21janari i mohuar sot pas nje zvarritjeje kriminale; ja pse s’duan reforme ne drejtesi!”– shkruan shkurtimisht kryeministri Rama.
Më 21 janar 2011, mijëra qytetarë protestuan për kryetarin e asaj kohe të opozitës Edi Rama. Protestuesit u qëlluan me armë nga Garda e Republikës dhe për pasojë mbetën të vrarë 4 persona.
Kjo ngjarje e dhimbshme i dha indirekt fitoren Edi Ramës rreth 2 vjetë më vonë, më 23 qershor 2013. Në fushatën elektorale të 2013, kjo ngjarje e rëndë u përdor masivisht, ku Kryetari i PS Edi Rama premtonte për drejtësi.
Sot ky premtim është i pambajtur, madje sot kjo ngjarje është pothuajse e harruar nga kryeministri Edi Rama i cili mjaftohet vetëm me një status në Facebook për vendimin e diskutueshëm të Gjykatës së Lartë.
Pyetja që lind natyrshëm për gjithësecilin, a do të presë më Rama në kryeministri familjarët e viktimave në 2017 që përkon edhe me vitin zgjedhor?
