Pas denoncimit nga Openprocurement.al dhe e pasqyruar në faqen online të Boldnews.al, Bashkia e Tropojës është tërhequr nga vendimi për të dhënë me qira kompleksin turistik pranë Ujëvarës së Valbonës, një nga pikat më të veçanta turistike në veri të vendit.
Bashkia e Tropojës kishte hapur tender për dhënien me qira të kësaj sipërfaqe prej 4180 m2 me një vlerë fillestare prej 400 eurosh në muaj. Kontrata e qirasë sipas tenderit tashmë të anulluar, do të ishte për një afat 5-vjeçar.
Kjo komunë është e njohur për Luginën e Valbonës, për pasuritë e bukuritë e veçanta natyrore, florën e faunën mjaft të pasur e të larmishme.
Me atraksionet e saj si: Shpella e Shoshanit, Kanioni i Shtrenjtit në lumin Valbonë, Ujvara e Valbonës, pishat shekullore të Alpeve që përshkojnë këtë luginë apo Bjeshkët e kësaj zonë e bejnë këtë komunë nga më të vizitueshmet nga turistët vendas e të huaj gjatë gjithë stinëve të vitit.
