Ambasadori i Shteteve të bashkuara të Amerikës, Donald Lu, ka folur sot për arrestimin e Emiljano Shullazit. Donald Lu sërish ka kërkuar që çështja ndaj tij të ecë përpara në mënyrë të pavarur. Ambasadori amerikan gjithashtu iu ka drejtuar një apel deputetëve shqiptarë.
“Një gjyqtar, një prokuror, një ishministër, një kriminel si Emiljano Shullazi janë brenda. Ne presim që këto hapa të shkojnë përpara dhe të jenë serioz. Kjo çështje duhet të ecë përpara në mënyrë të pavarur. Duhet një sistem gjyqësor mjaft transparent dhe të bëjë ndryshimin me atë çfarë ka qenë përpara. Reforma në gjyqësor të jetë një reformë serioze. Jemi shumë të përkushtuar për ta përfunduar këtë reformë. Duhet të mbani përgjegjësi lidhur me këtë”, tha ambasadori Lu.
Ai iu ka bërë një thirrje edhe deputetëve të parlamentit shqiptar, që të dëgjojnë zërin e popullit dhe të punojnë për të. “Thirrje deputetëve të parlamentit: Detyra kryesore të punojnë për popullin. Për popullin reforma në drejtësi është shumë e rëndësishme dhe politikanët duhet të dëgjojnë zërin e popullit. Duhen vënë në dukje edhe vlerat demokratike të shoqërisë shqiptare. E rëndësishme ta ngremë zërin në lidhje për këtë çështje”, deklaroi ambasadori i SHBA-ve.
Këto deklarata ambasadori Lu i bë në mbledhjen e Asamblesë së Dhomës Amerikane të Tregtisë.
