Ministri i drejtësisë, Ylli Manjani, ka dalë me deklarata të forta ndaj prokurorëve shqiptarë lidhur me çështjet penale që nuk janë proceduar si rezultat i pasivitetit të tyre.
“Janë dembelë, pasi të tillë i ka krijuar sistemi” ka thënë Manjani në Komisionin e Ligjeve lidhur me inspektimet që Ministria e Drejtësisë ka bërë në 8 Prokurori të vendit, Manjani tha se jane verifikuar rreth 2 mije procedime penale si dhe janë propozuar masa disiplinore ndaj Prokurorëve.
Manjani: Kontrolli qe kemi ushtruar në Prokurori ka qenë i planifikuar. Ankesat për shërbimin e Prokurorisë në Ministri janë të një numri te larte qe reflekton besimin e ulet te publikut tek ky shërbim. Konstatimi i parë qe vihet re është se përceptimi për besueshmerinë e organit te Prokurorise është i ulët.
Manjani tha se çështje të tilla si ato të korrupsionit janë ulëritëse dhe kërkojnë Prokurorë aktivë në krye të tyre.
Duke e lidhur me reformën në drejtësi, Manjani tha se duhet një kod i ri i proçedurës penale.
Manjani: Do doja të ndalesha në disa probleme. Aq me teper se jemi ne prag te nderhyrjes me të thellë, atë te reformës në drejtësi. Ndërhyrjet në kodin e proçedurës penale janë të pastudiuara. Duhet nje kod i ri i procedurës penale.
