“Gazetarët shqiptarë në Panama Papers. Së shpejti emrat e shqiptarëve të përfshirë?”

Drew Sullivan është drejtor i OCCRP (Organizata për Raportimin e Krimit të Organizuar dhe Korrupsionit), e cila operon në Evropën Lindore, Ballkan dhe Rusi dhe shumë shpejt do të sjellë emrat  e përfshirë në “Panama Papers”.

Pyetjeve të dritare.net, kur dhe sa shpejt do të ndodhë kjo, Drew Sullivan i përgjigjet:

“Jemi ende në proces. Ende nuk janë hapur në mënyrë të thelluar dokumentet nga Shqipëria. E nisëm me Rusinë, që kishte shumë materiale, pastaj Serbinë, Rumaninë, Çekinë. Më beso, njerëzit janë duke punuar dhe ne do t’i japim emrat, sa më shpejt të jetë e mundur. Për ta bërë këtë, do të vijnë në Bosnjë, ku ne kemi qendrën, disa gazetarë shqiptarë, me të cilët OCCRP po bashkëpunon. Ne nuk e dimë kush është kush, kush nga Shqipëria, Maqedonia apo Kosova. Ata e dinë këtë.”

LEXO EDHE  Qëlluam me breshëri ndaj hotelit në Tushemisht, kapet 1 nga autorët/ Detajet nga policia

I pyetur nga dritare.net, se në median shqiptare është thënë  që në “Panama Papers” ka emra të rëndësishëm nga Shqipëria dhe kjo duhet të ketë dalë prej gazetarëve që punojnë me OCCRP, Drew Sullivan, përgjigjet prerë:

‘Kush e thotë këtë? Gazetarët të cilët po punojnë me ne, kanë rregulla strikte bashkëpunimi dhe ju është bërë e qartë të mos komunikojnë me askënd. Mesa di unë, ata e kanë mbajtur fjalën. Nuk besoj të ketë folur asnjë prej tyre.

“A ka emra shqiptarësh të rëndësishëm? Unë i di emrat, por urrej të flas para kohe. Kjo është një maratonë, jo një sprint.”

(Boldnews)

 



PËRGJIGJU

Please enter your comment!
Please enter your name here