Pas pikëpyetjeve të shumta që u ngritën për Prokurorin e Durrësit lidhur me moslejimin e tij nga Ambasada Amerikane në SHBA, është vënë nën hetim kryeprokurori Adriatik Llalla nga ILDKPKI-së. Llalla së bashku me një delegacion ku duhet të ishte pjesë dhe prokurori Agron Gjana udhëtuan drejt SHBA por këtij të fundit ju refuzua viza.
Nga burime zyrtare mësohet se ndaj Kryeprokurorit Llalla është ngritur një hetim për të verifikuar pasuria e tij si dhe njerzve të tij më të afërt në institucionin e akuzës.
Në këtë hetim të detajuar pasuror, përveç kryeprokurorit Llalla, do t’i nënshtrohen edhe 3 prokurorët që shoqërojnë atë gjatë vizitës në SHBA, bëhet e ditur nga ABC neës.
“Është urdhëruar nga kryeinspektori i përgjithshëm i ILDKPKI-së të nisë hetimi pasuror për prokruorin e përgjithshëm Adriatik Llalla, drejtoreshën e marrëdhënieve me jashtë në këtë institucion, prokruoren Rovena Gashi, drejtuesin e prokurorisë për krime të rënda Besim Hajdarmata dhe shefin e akuzës së kryeqytetit Petrit Fusha. Të katër këta zyrtarë të prokurorisë, do t’i nënshtrohen një verifikimi të hollësishëm të pasurisë”, kanë thënë burime të këtij institucioni.
Po i njëjti burim, konfirmoi faktin se verifikimit pasuror do t’i nënshtrohet edhe drejtuesi i prokurorisë së Durrësit Agron Gjana, për të cilin zyrtarë të ambasadës amerikane thanë se i është refuzuar viza për në SHBA, edhe pse ishte pjesë e delegacionit me kryeprokurorin Llalla.
Pas këtyre lajmeve pyetja që shtrohet është: Çpo ndodh me Llallën dhe me kupolën drejtuese të prokurorisë?
Version i parë është një hetim normal Instucionit të deklarimit të pasurive. Por kjo pak gjasa që të jetë e vërtetë, pasi ky organ prej kohësh është në gjumë letargjik dhe nuk ka marrë asnjë nismë serioze ndaj zyrtarëve të lartë.
Version i dytë është armiqësia personale që ekziston mes Adriatik Llallës dhe drejtuesit të ILDKPK, Shkëlqim Ganajt.
Por hipoteza më e mundshme është ajo e një komploti të padronëve të reformës në drejtësi kundrejt Llallës.
