Partia Socialiste në rajonin e Jugut që është nën koordinimin e deputetit Koço Kokëdhima, prej disa ditësh ka nisur mbledhjen e firmave në bazën e PS-së në Gjirokastër, Vlorë, Sarandë, Tepelenë e Memaliaj, me qëllim plotësimin e një peticioni, i cili do t’i dërgohet kryetarit Edi Rama, për largimin e Koço Kokëdhimës.
Edhe në forume të ndryshme në internet e rrjetet sociale ka sinjale për një lëvizje të tillë. Megjithatë mbetet për t’u parë në ditët e ardhshme dhe për t’u konfirmuar nëse realisht kemi të bëjmë me një lëvizje në masë kundër Kokëdhimës, apo janë thjesht zëra të veçuar.
Deputeti i Vlorës ndërkohë është në pritje edhe të vendimit të Gjykatës Kushtetuese lidhur me fatin e mandatit të tij. Në fundjavë, në mbledhjen e Kokëdhimës me deputetët e Jugut pati debate të ashpra, të cilët kundërshtuan të gjithë ‘Kryeministrin e Jugut’.
