Nga grabitja me armë, te rrahja e bashkëshortes. Ja kush është “heroi” i Veliajt

Inspektori i Policisë së Bashkisë Tiranë, Dritan Hardhia rezulton të jetë me precedent penal, ndërkohë që kryebashkiaku Erion Veliaj mburret me të, duke e cilësuar si një polic të zellshëm. Hardhia është dënuar për grabitje me dhunë si dhe është akuzuar për dhunë në familje. Në fundjavë, Inspektori Bashkiak u pa i veshur civil në protestën tek Parku i Liqenit.

Nga Boldnews.al

I cilësuar si “heroi” i Bashkisë së Tiranës, inspektori Dritan Hardhia, rezulton të jetë një person me të shkuar kriminale.

Ai u bë i njohur gjatë protestës së shoqërisë civile kundër ndërtimit të Parkut të Lojërave, ku u shfaq si viktimë e dhunës së protestuesve. Dritan hardhia prentendoi se më 6 mars u godit me lopatë në kraharor nga një vajzë protestuese, ndërkohë që u vizitua nga Veliaj në spitalin e QSUT.

“Dritani  është realisht një aktivist i shoqërisë civile dhe ky është njeriu që realisht e nderon qytetin. Ky është një aktivist i vërtetë. Sot pamë një protestë që mund të ishte realisht një protestë e shoqërisë civile dhe s’kishte arsye për një protestë të dhunshme.”- deklaroi Veliaj duke e cilësuar si një polic shembullor.

Por e shkuara e tij problematike tregon të kundërtën. Në vitin 2004 ai rezulton të ketë kryer një grabitje me armë në zonën e Fushës së Aviacionit. Ai është arrestuar nga policia për veprën penale të vjedhjes me dhunë dhe në bashkëpunim.

“Përfundojnë në prangat e policisë 2 grabitës dhe shoqërohen 2 të tjerë. Një qytetar, me iniciale P.N., ishte ndaluar nga persona të armatosur me automatik, duke e kërcënuar që t’u jete të gjithë paratë dhe sendet me vlerë që posedonte. Ai u qe përgjigjur negativisht kërkesave të tyre. Por, pak sekonda më pas e pa veten pre e dhunës së tyre. Viktima P.N. lajmëroi menjëherë policinë për t’i ardhur në ndihmë. Pas një aksioni të rrufeshëm, u bë i mundur arrestimi i 2 prej tyre, Dritan Hardhija, 25 vjeç dhe Roland Dervishi, 18 vjeç.”- thuhej në njoftimin e Policisë së Shtetit në atë kohë.

LEXO EDHE  Pas Ramës, Grenell takon Metën/ Zbardhen detaje nga takimi

Pasioni i tij për armët dhe dhunën shihen edhe në fotot e publikuara sëfundmi nga mediat. arme

Por telashet e kaluara per Dritanin nuk mbarojnë me kaq. Në Gjykatën e Rrethit Gjyqësor Tiranë rezultojnë 2 padi penale ndaj Dritan Hardhisë për dhunë në familje dhe detyrimin për pension ndaj djalit të vetë. Në të dy rastet, denoncuesja është bashkëshortja e Inspektorit të Bashkisë, Rezarta Hardhia.

Padia e parë është bërë në vitin 2005, me akuzën e “Rrahjes”. (Shkarko vendimin) Në vendimin e gjykatës shihet se Hardhia rezulton të jetë i dënuar më përpara ndërkohë që bashkëshortja nuk është paraqitur në seancën gjyqësore për shkaqe që nuk dihen. Për këtë mosprezencë, prokuroria kërkon pushimin e çështjes, kërkesë kjo e plotësuar nga gjykata.

Pas këtij vendimi, Rezarta Hardhia kërkon divorcin për bashkëshortin dhunues.

Padia e dytë është regjistruar në vitin 2008, dhe ka  të bëjë me akuzën ndaj inspektorit Hardhia për “detyrimin e pensionit ushqimor “ ndaj djalit të tij, Valentino Hardhia. (Shkarko vendimin) Edhe në këtë rast Gjykata pushon çështjen për shkak të tërheqjes nga ankimimi të bashkëshortes Rezarta (Kamberi) Hardhia.

Fundjavën që lamë pas, Dritan Hardhia është rikthyer sërish në skenë. Ky inspektor “shembullor” është akuzuar nga shoqëria civile për dhunë të ushtruar ndaj tyre. Sipas “Qyetarët për Parkun”, Hardhia ka qëlluar me shkelma në bark protestuesen Rezearta Caushaj, e cila u dërgua me ambulancë të shtunën në spitalin e Traumës për të marrë mjekimin e nevojshëm.

Për tu maskuar, Dritan Hardhi është zhveshur nga uniforma dhe i veshur civil ka ushtruar detyrën e funksionarit të Bashkisë së Tiranës.

Pyetja që lind, a është Dritan Hardhia standardi i vendosur nga kryebashkiaku Erion Veliaj për të prezantuar Policinë Bashkiake?

12920437-1578867345738605-635985573439845081-n



PËRGJIGJU

Please enter your comment!
Please enter your name here