Kombëtarja shqiptare sot në testin parë ndaj Austrisë. UEFA i bën teste anti-doping disa prej lojtarëve

Kuqezinjtë e drejtuar nga Xhani De Biazi do të zbresin sot në orën 17:30 në “Hernest Hapel” të Vienës për t’u ndeshur me Austrinë në miqësoren e parë parapërgatitore për Europianin “Francë 2016”.

Skuadra e drejtuar nga tekniku Italian gjatë ditës së premte ka mbërritur në Vienë dhe më pas ka kryer seancën stërvitore. Siç raporton Supersport, mësohet se disa prej futbollistëve të kombëtares i janë nënshtruar testeve anti-doping, që Federata Europiane e Futbollit kryen herë  pas here, me përzgjedhje rastësore. Siç njofton portali në fjalë, testeve i janë nënshtruar dhjetë lojtarë. Kontrolleve nuk do t’i nënshtrohet vetëm kombëtarja kuqezi, pasi siç mësohet, UEFA të njëjtin veprim do të ndërmarrë me të gjitha skuadrat që do të marrin pjesë në Kampionatin Europian “Francë 2016”.

LEXO EDHE  Humbje e dhimbshme për Teutën, durrsakët dorëzohen në shtesë ndaj Shamrock

Xhani De Biasi në konferencën për shtyp të pragsfidës premtoi impenjim maksimal. “Do të luajmë sikur të ishte ndeshje zyrtare. Për ne ka rëndësi rezultati dhe mënyra se si do e arrijmë atë”, u shpreh italiani. Përballja me Austrinë mbart një rëndësi të veçantë për grupin kuqezi, pasi është një test i rëndësishëm për përbërjen e skuadrës, që do përfaqësojë ngjyrat e kombit tonë për herë të parë në një kompeticion kaq të rëndësishëm siç është Europiani “Francë 2016”.



PËRGJIGJU

Please enter your comment!
Please enter your name here