Është bërë e mundur arrestimi i mësueses që tentoi të mbysë me litar një nxënës në shkollën fillore ” Selim Alliu” në Peshkopi.
27- vjeçarja, Emanuela Datja është filmuar duke qëlluar me litar nxënësit.
Më pas video u publikua në rrjetet sociale duke ngjallur reagime të shumta.
Mësuesja, pasi torturoi me dhunë verbale nxënësin e klasës fillore, i ka vënë litarin në fyt. E gjithë dhuna e mësueses është regjistruar nga një nxënës në bankën e fundit. Nga video duket qartë mësuesja, e cila pasi ka nxjerrë para dërrasës së zezë disa nxënës i ka gjuajtur të gjithë me litar nga këmbët. Më pas i është drejtuar njërit prej tyre dhe i ka vendosur litarin në fyt duke demostruar një dhunë të pashembullt ndaj fëmijëve.
Ngjarja ka ndodhur në shkollën “Selim Alliu” të Peshkopisë, ku nga video e denoncuar në “Jeta osh Qef”, duket se mësuesja ka vendosur të marrë këtë masë të dhunshme disiplinore pas një sherri mes nxënësve.
Në fund të videos dallohet momenti kur mësuesja merr litarin dhe ia vendos në fyt një nxënësi dhe në këtë moment ndërpritet edhe regjistrimi.
Ky nuk është rasti i vetëm që ushtrohet dhunë nëpër shkolla. Rasti i fundit si ai i mësuesit që ushtroi dhunë duke përdorur një dru ndaj 12 nxënësve të klasës fillore dhe pas pak ditësh i kësaj mësueseje, dëshmojnë një dhunë brutale ndaj fëmijëve në shkollat tona. Tashmë me anë të teknologjisë, dhuna po tregohet nëpërmjet videove. Edhe pse, ndaj mësuesit që shtroi dhunë ndaj 12 nxënësve, gjykata e la atë të lirë.
(Boldnews)
https://www.youtube.com/watch?v=-Z5hn1X_crQ
