Ministria e Jashtme në Shqipëri qetëson familjarët që kanë të afërm në Bruksel, se deri tani nuk ka të dhëna për asnjë shtetas shqiptar që të jetë lënduar nga sulmet e sotme në Bruksel.
Ambasada jone në Bruksel qëndron në gatishmëri për situatën e krijuar dhe ka vendosur një numër ku shqiptarët mund të kontaktojnë ++32 (0) 488950217.
Gjithashtu MPJ dënon sulmet terroriste që goditen sot Brukselin dhe shpreh solidaritetin me popullin dhe qeverinë belge në këto momente të vështira. Ministria e Jashtme deklaron se Shqipëria qëndron krah autoriteteve belge në luftën kundër terrorizmit dhe ekstremizmit të dhunshëm.
Edhe Kreu i Kuvendit Ilir Meta ka dënuar sulmet që goditën sot Brukselin. Duke shprehur solidaritet të plotë me Belgjikën dhe me të gjithë qytetarët e Brukselit, Meta thotë se terrorizmi nuk ka vend në Evropë.
