Pas Francës, Manjani i kërkon falje edhe Italisë

Gjatë fjalimit të tij në Konferencën Gjyqësore, Ministri i Drejtësisë Ylli Manjani i kërkoi falje Italisë dhe qeverive të tjera për shkak se gjykatat shqiptare kanë liruar disa të dënuar.

 “Pas qeverisë franceze, më duhet t’i kërkojë ndjesë qeverisë italiane dhe disa qeverive te tjera, të cilat prodhojnë hetime, orë të tëra përgjime dhe i dënon drejtësia e këtyre vendeve, ndërsa drejtësia jonë i liron dhe si autoritet ligjor për të ruajtur marrëdhëniet juridike me keto shtetet, kam një përgjegjesi dhe  duhet ta bëj këtë kërkesë edhe ne emrin tuaj. Por ju lutem të jeni të përgjegjshëm. Mos e shikoni si ditën e fundit, por si ditën e parë për ta cuar vendin në Europë.”– u shpreh Manjani.

LEXO EDHE  Viktima e parë nga zjarret, Basha: Situata alarmante, Qeveria masa gjysmake

Pak ditë më parë, ambasadori francez në Tiranë, Bernard Fitoussi i dërgoi një letër autoriteteve më të larta shtetërore ku ngriti alarmin për lirimin nga gjykata të Domart Konjarit, i njohur ndryshe edhe si një nga pjesëtarët e ish-bandës së “Rrugës Bardhyl” në Tiranë. Ministri i Drejtësisë Ylli Manjani iu përgjigj me një ndjesë publike letrës së ambasadorit francez.



PËRGJIGJU

Please enter your comment!
Please enter your name here