Një bombël gazi, 6 litroshe gati sa nuk ka shpërthyer pasi është hedhur nga një banor nga kati i 7-të i një pallati. Ngjarja ka ndodhur në Vlorë në lagjen “28 Nëntori, ku një shtetas pasi ka blerë një bombël gazi ka vënë re se ka patur rrjedhje, dhe me frikën se do t`i shpërthente në banesën e tij, ai e ka hedhur jashtë ballkonit. Ka qenë ndërhyrja e policisë dhe repartit të Zjarrfikesve që kanë shmangur shpërthimin e saj.
Shpërthimi i bombolës do të shkaktonte një tragjedi në pallatin shumëkatësh.
Për fat të mirë bombola nuk ka shpërthyer as në trotuarin ku u hodh. Banorët e pallatit të tmerruar nga frika kanë njoftuar menjëherë policinë dhe zjarrfikëset të cilët kanë mbërritur menjëherë në vendngjarje ku dhe kanë bërë të mundur bllokimin e zonës dhe më pas eleminimin e gazit në bombël.
