Policia e Tiranës në bashkëpunim me FNSH dhe Policinë Bashkiake kanë rrethuar Parkun e Lojërave tek Liqeni Artificial në Tiranë.
Burime nga Policia e Tiranës theksojnë për Boldneës.al se protesta do të jetë e dhunshme pasi aktivistët kanë paralajmëruar se do shkatërrojnë me çdo çmim hapësirën e rrethuar.
Pas dhunës fizike të ushtruar pak ditë më parë ndaj 5 aktivistëve të shoqërisë civile nga punëtorët e firmës që po ndërton këndin e lojërave në sy të policisë, duket se është shtuar intensiteti i vullnetit nga shoqëria civile për të ndaluar betonizimin e Parkut të Liqenit.
Shoqëria civile ka paralajmëruar të gjithë qytetarët nëpërmjet rrjeteve të ndryshme sociale që të bëhen pjesë e tyre për të ndalur ndërtimin e këndit të lojërave tek Parku i Liqenit.
Thirrja e shoqërisë civile në Facebook:
“Të ndërtojmë një ditë solidariteti…të vëmë këtë foton “cover” nëpër profilet tona, me shumë do ta shohin, më shumë do mobilizohen, më shumë do solidarizohemi…”
