Një vrasje me armë zjarri ka ndodhur orët e para të mëngjesit të Tiranë. Mësohet se viktima është 67-vjeçari Skënder Aluku. Sipas informacioneve të para, ngjarja ka ndodhur në zonën e Kasharit rreth orës 7:30 kur Aluku kishte dalë për të pirë kafen e mëngjesit. Ai është vrarë në mes të rrugës, ndërsa prania e dhjetëra dëshmitarëve në momentin e krimit, ka sjellë edhe identifikimin e shpejtë të autorit.
Sipas policisë ai është Besnik Xhaferri, fqinj i viktimës. Policia thotë se vrasja ka ndodhur për motive hasmërie pasi, një vit më parë, djali i 67-vjeçarit Aluku i kishte vrarë vëllain Besnik Xhaferrit.
Autori i dyshuar është kapur nga forcat e Komisariatit numër 6 ndërsa tentonte të largohej, në hyrje të autostradës Tiranë-Durrës dhe është dërguar në Komisariat ku po merret në pyetje. Policia ka sekuestruar edhe armën e krimit, një pistoletë.
(Boldnews)
