Trajneri spanjoll ka udhëzuar Txiki Begiristain që t’i japë fund aventurës së Vincent Kompany te Manchester City, duke e nxjerrë belgun në merkato. Shtypi anglez ka bërë të ditur se tekniku i ardhshëm synon të bëjë një revolucion në mbrojtje. Lojtari i kombëtares belge ka luajtur në 12 ndeshje në këtë sezon për shkak të problemeve me dëmtimet. Guardiola ka preferuar gjithmonë mbrojtësit që janë të aftë në aspektin teknik dhe i ka kërkuar drejtuesve të City që të vihen në lëvizje për blerjen e 21-vjeçarit të Bilbaos dhe Francës, Aymeric Laporte. Në vend që ta mbajë Kompany në ekip në rolin e zëvendësuesit të Laporte, trajneri katalanas ka kërkuar largimin e tij për të shmangur krijimin e situatave të pakëndshme brenda skuadrës. Dhe për të dhënë mesazhin se askush nuk e ka vendin të sigurt te City. Kompany ka qenë pjesë e Formacionit të Vitit në Premier League në 2011, 2012 dhe 2014, por problemet e tij me dëmtimet kanë ndikuar në rendimentin e ti. City pritet që të largojë disa lojtarë pas përfundimit të këtij sezoni.
Pep Guardiola ka dhënë urdhër për të shitur yllin e City
Lajme të lidhura
TË GJITHA
