Policia ka arrestuar në flagrancë një person për keqtrajtimin e fëmijës së tij të mitur, me qëllim përfitimi.
Burime zyrtare nga policia e Vlorës kanë bërë të ditur se është prangosur në flagrancë: Romeo Moku, 32 vjeç, banues në Vlorë.
Ndalimi i tij është bërë në bazë të një hetimi 1 mujor, duke çuar në kapjen dhe arrestimin në flagrancë të Mokut.
Sipas policisë, ky person shfrytëzonte për “lypje” vajzën e tij të mitur: R. S., 7 vjeç, të cilën e nxirrte duke e mbajtur nën kontroll në zonën e pedonales dhe në lokalet e rrugës kryesore “Vlorë-Skelë” dhe e detyronte që të gjitha fitimet e grumbulluara nga “lypja” t’ia dorëzonte atij (babait të saj).
Romeo Moku, njihet nga Policia si person me precedent penal në tendencën e vjedhjes.
