Prishja e një fejese, një vit më parë, bëri që djali i viktimës Skërder Aluku të vrarë ditën e sotme, të vrasë prindërit e të fejuarës, Lufti Xhaferrin dhe të plagosë Naime Xhaferrin.
Ky ka qenë shkaku i vrasjes, mëngjesin e sotëm të Skënder Aluku nga Bujar Xhaferri, pasi djali i viktimës Altin Aluku, i kishte vrarë vëllain.
Lutfi Xhaferri, 59 vjeç, u vra më 17 maj të vitit të kaluar ndërkohë që bashkëshortja e tij, Naime Xhaferri, 55 vjeç, mbeti e plagosur. Për vrasjen e 59-vjeçarit u akuzuar 39-vjeçari, Altin Aluku, i cili ka qenë i fejuar me vajzën e viktimës, ndërkohë që prindërit dyshohet që të kenë ndikuar, që ajo të ndahej prej tij për t’u fejuar me një person tjetër, për t’u larguar më pas në Itali.
Në derë të shtëpisë së Xhaferrit, ish-dhëndri, sipas dëshmitarëve ka debatuar fillimisht me të, duke i kërkuar llogari, e më pas ka qëlluar në drejtim të çiftit me armë zjarri, duke vrarë 59-vjeçarin e duke plagosur në dorë bashkëshorten e tij. Në atë kohë policia arrestoi edhe viktimën e sotme Skënder Aluku, pasi gjatë kontrollit të banesës janë gjetur dhe sekuestruar një sasi prej 170 copë fishekësh. Ndërsa mëngjesin e sotëm, vëllai i Lufti Xhaferrit morri hak duke vrarë babain e Altin Alukut, ish-dhëndrit të familjes.
