“Më 4 shtator do të bëhet shenjtërimi i Nënë Terezës”, kjo ka qenë deklarata nga selia e shenjtë e Papa Françeskut.
Ashtu siç ka paralajmëruar pak kohë më parë për shenjtërimin e Nënë Terezës, Papa Francesku, ditën e sotme gjatë Asamblesë së Kardinalëve, firmmosi dekretin për shenjtërimin e Nënë Terezës më 4 shtator.
17 Dhjetorin e kaluar, Papa Françesku i njohu zyrtaisht Nënë Terezës mrekullinë e dytë, atë të një shërimi të plotë të një besimtari brazilian nga një tumor në tru, në gjëndje mjaft të avancuar.
Ndërsa mrekullia e parë ishte shërimi i një 30 – vjeçareje nga Kalkuta, e cila deklaroi se ishte shëruar nga kanceri në stomak pasi i ishte lutur Nënë Terezës.
Një ditë më parë, Papa Françesku e përmendi humanisten shqiptare ndërsa nderoi kujtimin e 4 motrave të urdhërit ungjillor të saj, të vrara në Jemen.
Gjatë Asamblesë do të vendoset gjithashtu edhe vendi se ku do të nderohet shenjtërimi i Nënë Terezës, ku alternativat më të mundshme janë Kalkuta ose Roma, gjatë Jubilehut të kujtimit ndaj mjerimit.
