Është arrestuar i riu 22- vjeçar i cili sulmoi efektivin e policisë mbrëmjen e djeshme.
Mëngjesin e sotëm policia ka vënë në pranga shtetasin Aristotel Goga i cili goditi punonjësin e policisë rrugore pasi u ndalua prej tij për shkelje të rregullave të qarkullimit. Goga zbriti nga makina pasi polici po i plotësonte fletën e gjobës dhe u drejtua nga ai duke e goditur me grusht në fytyrë, ku i ka shkaktuar plagë të shumta. Është identifikuar mëngjesin e sotëm i riu nga targa e automjetit të tij tip mercedens Benz.
Rreth orës 01.00, në kryqëzimin e Librit Universitar”, duke drejtuar mjetin e tij Mercedes Benz po ecte në rrugën Ibrahim Rugova, ndonëse punonjësi i policisë i kishte dhënë shenjë detyruese të ndryshimit të drejtimit të lëvizjes. Pas goditjes në fytyrë polici vihet në ndjekje të 22 -vjeçarit sapo afrohen shërbimet e tjera të policisë. 22-vjeçari Goga do të përballet me veprën penale të “Goditjes për shkak të detyrës”.
