Një 20 vjeçar nga Bushneshi i Krujës ka gjuajtur me automatik kundrejt 47 vjeçarit me iniciale H.K pas një loje me domino. Kanë qenë nervat e lojës të cilat për pak sa nuk e kanë kthyer ngjarjen në një tragjedi. Ronald Alushi pasi ka debatuar për lojën ka kanosur me armë zjarri bashkëlojtarin e tij në bashkëpunim me babain e tij dhe dy kushërinjtë. Ai ka gjuajtur në ajër në afërsi të lokalit ku ka qenë shtetasit H.K. 47 vjeç.
Burime nga policia e Krujës thonë se janë shpallur në kërkim si bashkëpunëtorë babai i 20-vjeçarit, A.Alushi 50 vjeç dhe dy kushërinjtë e tij A.Alushi 23 vjeç dhe F.Alushi 27 vjeç.
Gjatë arrestimit të Alushit, në afërsi të banesë së tij, policia ka sekuestruar edhe një armë zjarri automatik model 56, kalibri 7.62 mm, një krehër me 10 fishekë dhe një automjet tip Fiat me targa CD439 AX, ndërsa në vendngjarje u gjetën dy gëzhoja dhe dy fishekë të paplasur.
