Në disa mënyra martesa ‘të fut tmerrin’ në shoqërinë e sotme, për shkak të asaj që mund të vijë pas: Divorci. Kjo nuk është një frikë e paarsyeshme duke pasur parasysh se rreth 40 deri 50% e çifteve të martuara në SHBA janë divorcuar.
Por, antropologia dhe ekspertja e sjelljes njerëzore në Universitetin e Indianës, e cila ka shpenzuar dekada duke studiuar aspekte të ndryshme të dashurisë, Helen Fisher thotë se në qoftë se ju prisni rreth dy vjet para se të martoheni, mund të rrisni shanset tuaja për të udhëhequr një martesë të lumtur, gjatë gjithë jetës.
Sipas Fisher njerëzit shqetësohen, jo vetëm për faktin se mund të përfundojnë në divorc, por edhe për ecurinë financiare dhe ekonomike të jetes së tyre gjatë martesës.
Fisher shpjegon në studimin e saj se në dy vitet e para të njohjes së një çifti ndjenja intensive e dashurisë mund të mjegullojë aftësinë tuaj për të menduar logjikisht apo në mënyrë racionale në lidhje me personin që keni një lidhje.
“Prandaj i duhet lënë kohë trurit për të rregulluar situatën e re dhe ndjenjën që ju jeni duke përjetuar”, tha ajo. “Unë mendoj se njerëzit duhet të martohen, jo thjesht se pëlqejnë konceptin ‘martesë’. E për të patur një vendim sa më racional do të ishte mirë të presin të paktën dy vjet…”, theksoi Fisher.
Burimi: The Indipendent
