Një djalë 4-vjeçar qëlloi aksidentalisht me pistoletë nënën e tij e cila ishte duke udhëtuar me makinën e saj.
Ngjarja ka ndodhur ditën e sotme në veri të Floridas, ndërsa policia amerikane raporton se djali në momentin e të shtënës me armë ishte ulur në ndenjësen e pasme.
Ambulanca mbërriti menjëherë në vendngjarje ndërsa nëna ndodhet në spital jashtë rrezikut për jetën.
Dyshohet se pistoleta është në pronësi të gruas e cila e mbante në xhepin e brendshëm të makinës.
Vogëlushi po merr trajtimin e nevojshëm nën kujdesin e një psikologe.
