Kryebashkiaku i Tiranës, Erion Veliaj, gjatë takimit me strukturat e PS në Pezë, Vaqarr dhe Ndroq, tha se politika nuk është lojë, ndaj dhe vota ka rëndësi.
Në kuadrin e takimeve për zgjedhjen e strukturave të reja të PS-së, Veliaj tha se “shkodranët thonë të hyftë vetja në qejf” dhe se e thonë këtë, e thonë që mos bëhesh arrogant dhe mos humbësh kontaktet me njerëzit”. Ai tha se ne do të afrojmë modelin më të mirë në qeverisjen e vendit, duke shtuar se kur njerëzit votojnë PS, kjo i shërben të gjithëve.
“Partia Socialiste është autokombajnë votash, por ne na duhen edhe njerëzit e mirë, që të gjithë ne të mos flasim vetëm me njerëzit tanë, por edhe me kundërshtarët tanë.
Ne kemi treguar se i shërbejmë të gjithëve, këtë e treguam edhe me rindërtimin edhe me pandeminë.
Ne kemi përballë “non grata-n”, por kjo nuk na bën ne më të mirë, duke shpresuar se ata kanë bërë gabimet e tyre, por ne duhet të bëjmë më të mirën tonë”, tha Veliaj. Ai ka kërkuar që PS të rritet përtej gardhit të saj, pra të afrojë edhe ata që s´janë anëtarë të PS.
“Është shumë kollaj që të rrish në facebook dhe të shash të gjithë të tjerët. Janë të njëjtët që na shanin pvr rindërtimin, Covidin dhe tigrin në kopshtin zoologjik”, tha ai.
