Një aksident me vdekje ka ndodhur në aksin rrugor Vlorë-Llakatund. Nga informacionet e para mësohet se në aksident është përfshirë një automjet dhe një motor.
Si pasojë e përplasjes ka humbur jetën drejtuesi i motorit, shtetasi Razi Hoxhaj 69 vjeç.
Vlorë/Informacion paraprak
Sot, rreth orës 09:15, në aksin rrugor Vlorë-Llakatund, një automjet tip “Toyota” me drejtuese shtetasen A. M, është përplasur me një motomjet me drejtues shtetasin R. H., 69 vjeç, i cili si pasojë e dëmtimeve të marra, ka ndërruar jetë gjatë transportit për në spitalin e Vlorës.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
