Floida Kërpaçi, në emër të të rinjve dhe të rejave të LSI, ka kërkuar hapjen e negociatave për Shqipërinë nga Bashkimi Europian.
Ajo shprehet se tashmë është koha që BE të tregojë lidership dhe të realizohet hapja e negociatave me Shqipërinë dhe RMV.
“Shumë e lumtur që letër thirrjes së të rinjve, që i drejtuam liderëve të BE, i janë bashkuar edhe Rrjeti “Miqtë e Ballkanit Perëndimor”.
Hapja e negociatave të Shqipërisë me BE, pavarësisht vështirësive të vendit në përmbushjen e disa prej kushteve, do të jetë hapi i duhur që do të realizojë më shumë mbikqyrje nga institucionet europiane për afrimin e standarteve demokratike tonat me vendet që aspirojmë.
Mirënjohje për të gjithë ata, që kanë mbështetur kërkesën që si drejtues të forumeve rinore kemi firmosur në mbështetje të hapjes së negociatave”, shkruan ajo në një postim në rrjetet sociale.
